أحيان يأخذني الوله لاكن أحيان
أرجع وأقول لهالوله من خذاني
إلا على طاري الوله كم مضى الآن
وأنتي بعيده عن سماي ومكاني
البارحه أمطر لك الشوق هتان
حتى إمتلا صدري حنين وأغاني
قلتي: ولهت؟؟ وقلت لك:إيه ولهان
قلتي غلاك وقلت: بعثر كياني
السندباد اللي تغرّب له أزمان
مل البحر وأشتاق قرب المواني
مثل الغريب اللي فقد حضن الأوطان
وما عوّضه عن موطنه شي ثاني
جيتك أشيل الشوق لهفه وتحنان
لا الياس ياس ولا الأماني أماني
وكان السهر كحل عيونك والأجفان
وطالت دقايق ساعتك والثواني
أمانتك ضمي الغلا قدر الإمكان
فى داخلك بين الضلوع المحانى
ولو دمعتك طاحت على ورد الاوجان
عادي اذا غالي وطاحت عشاني
ياملهمة كل القصايد والاوزان
لا غبت عنك لا تقولي نساني
.......................................
رآقت لي وأتمنى ترتقي لذائقتكم
..~(تمتومه)~..
الجمعة يناير 02, 2009 11:51 am
